ពណ៌​ផ្ទៃៈ	ពណ៌​បៃតង ពណ៌លឿងខ្ចី និងពណ៌ក្រមៅ
ផ្ទៃខាងមុខៈ	ផ្នែកកណ្តាល ខាងស្តាំត្រូវបានរំលេចឡើងនូវ ព្រះឆាយាល័ក្ខណ៍មើលពីមុខបញ្ឆិត ចំហៀងខាងឆ្វេងនៃអតីតព្រះមហាក្សត្រ ព្រះបរមរតនកោដ្ឋ និងមានចារឹកអក្សរ “ ព្រះករុណាព្រះបាទសម្តេចព្រះនរោត្តមសីហនុវរ្ម័ន ព្រះបិតាឯករាជ្យជាតិ” នៅពីក្រោម ខាងឆ្វេងមានលេខ “២០០០” នៅពីលើគេ បន្ទាប់មកគឺជាហត្ថលេខា របស់ទេសាភិបាលនិងអគ្គបេឡា ព្រមទាំងរូបភាពព្រះសង្ហារ នៃព្រះរាជាណាចក្រកម្ពុជា និងនៅខាងក្រោមមានលេខ-មាលាដែលបោះពុម្ពដោយទឹកខ្មៅពណ៌ខ្មៅ រូបភាពនាគក្បាល ៥ ដែលយកគំរូតាមរូបចម្លាក់នៅវិមានឯករាជ្យ និងអក្សរ “ពីរពាន់រៀល” ព្រមទាំងអក្សរ “អ្នកក្លែងក្រដាសប្រាក់នឹងត្រូវផ្តន្ទាទោសតាមច្បាប់ “នៅគែមខាងក្រោមនោះ និង មានបន្ទះព៌ណទឹកមាសអមសង្ខាងដោយបន្ទះពណ៌ផ្ទៃមេឃ ដែលមានទំហំសរុប ៨ មម កាត់ទទឹង ក្រដាសប្រាក់ពីលើដល់ក្រោម។ ផ្នែកខាងស្តាំ ជ្រុងលើមានអក្សរ “ធនាគារជាតិនៃកម្ពុជា” ព្រមទាំងលេខ-មាលាដែលត្រូវបានបោះពុម្ពដោយទឹកខ្មៅពណ៌ក្រហមនៅពីក្រោមនោះ និងជ្រុងខាងក្រោមមានលេខ “២០០០” និង “2000” នៅបន្ទាប់គ្នា។ ផ្នែកខាងឆ្វេង មានលេខ “2000” ព្រាលៗដែលត្រូវបានបោះពុម្ពតាមបន្ទាត់បញ្ឈរ និងមានផ្ទៃបោះពុម្ពពិសេសព៌ណទឹកប្រាក់ទំហំ ១០​ មម កាត់ទទឹងក្រដាសប្រាក់ពីលើដល់ក្រោម។
ផ្ទៃខាងខ្នងៈ	ផ្នែកកណ្តាល ត្រូវបានរំលេចឡើងនូររូបភាពឯកសារស្តីពីព្រះរាជបូជនីយកិច្ចនៃអតីត ព្រះមហាវីរក្សត្រ ព្រះបាទសម្តេចព្រះនរោត្តមសីហនុវ័រ្មន ក្នុងការដឹកនាំចលនាតស៊ូទាមទារ ឯករាជ្យជាតិពីសំណាក់ពួកអាណានិគមនិយមបារាំង និងមានអក្សរ “ពីរពាន់រៀល” នៅពីក្រោមនោះ។ ផ្នែកខាងស្តាំ មានរូបភាពវិមានឯករាជ្យ និងមានលេខ “២០០០” នៅពីក្រោមនោះ ព្រមទាំងលេខ “2000” ដែលត្រូវបានបោះពុម្ពតាមបន្ទាត់បញ្ឈរ នៅជ្រុងខាងលើ។ ផ្នែកខាងឆ្វេង ខាងលើមានអក្សរ “ធនាគារជាតិនៃកម្ពុជា” នៅកណ្តាលមានចារឹកអក្សរ “អបអរសាទរខួបអនុស្សាវរីយ៍លើកទី ៦០ ទិវាបុណ្យឯករាជ្យជាតិ (៩ វិច្ឆិកា ១៩៥៣ - ៩ វិច្ឆិកា ២០១៣)” និងនៅខាងក្រោមមានលេខ “២០០០” ដែលមានលេខតូច “២០១៣” នៅពីលើនោះ។