២៦ មិថុនា ២០១៥
កាលពីថ្ងៃទី២៦ ខែមិថុនា ឆ្នាំ២០១៥ ធនាគារជាតិនៃកម្ពុជា បានរៀបចំកិច្ចប្រជុំស្តីពី “ការធ្វើអង្កេតសម្រាប់តាមដាននិងវិភាគស្ថិរភាពហិរញ្ញវត្ថុនៅកម្ពុជា” ដើម្បីបង្ហាញអំពីសារៈសំខាន់នៃស្ថិរភាពហិរញ្ញវត្ថុនិងលទ្ធផលបឋមនៃការធ្វើអង្កេតជាមួយគ្រឹះស្ថានធនាគារនិងហិរញ្ញវត្ថុ ភ្នាក់ងារវាយតម្លៃអចលនទ្រព្យ និងក្រុមហ៊ុនក្រេឌីតប្យ៊ួរ៉ូកម្ពុជា ។
ចូលរួមក្នុងកិច្ចប្រជុំនេះ រួមមានតំណាងគ្រឹះស្ថានធនាគារនិងហិរញ្ញវត្ថុប្រមាណ ២០០ នាក់ ។ តំណាងគ្រឹះស្ថានធនាគារនិងហិរញ្ញវត្ថុបានសម្តែងការគាំទ្រ និងសហការក្នុងការធ្វើអង្កេតខាងលើ ។ ទន្ទឹមនេះ ភ្នាក់ងារវាយតម្លៃអចលនទ្រព្យក៏ត្រូវបានស្នើឱ្យចូលរួមកាន់តែសកម្មថែមទៀត នៅក្នុងការធ្វើអង្កេតនេះផងដែរ ។
