១. គោលបំណង
គោលការណ៍រក្សាការសម្ងាត់នេះ (តទៅនេះហៅថា "គោលការណ៍") ត្រូវបាន បង្កើតឡើង ដើម្បីគ្រប់គ្រងការប្រើប្រាស់ ព័ត៌មានដែលបានទទួលឬប្រមូលដោយកម្មវិធីឬ គេហទំព័ររបស់ធនាគារជាតិនៃកម្ពុជា (តទៅនេះហៅថា "គេហទំព័រធនាគារជាតិ")។
២. វិសាលភាព
គោលការណ៍នេះមានសុពលភាពអនុវត្តចំពោះ ការប្រើប្រាស់ឬគ្រប់គ្រងព័ត៌មាន ទិន្នន័យ និងទំនាក់ទំនងទាំងឡាយ ដែលធ្វើឡើង ទទួលបាន ឬបង្កើតឡើង តាមរយៈគេហទំព័រ ធនាគារជាតិ។
៣. ការប្រមូលព័ត៌មាន
ក. ធនាគារជាតិនៃកម្ពុជា (តទៅនេះហៅថា "ធនាគារជាតិ") អាចប្រមូលនិងប្រើប្រាស់ ព័ត៌មានរបស់អ្នកប្រើប្រាស់គេហទំព័រធនាគារជាតិ ក្នុងកម្រិតដែលធនាគារជាតិយល់ថា ចាំបាច់សម្រាប់ការផ្តល់និងគ្រប់គ្រងសេវាកម្មរបស់គេហទំព័រធនាគារជាតិ។
ខ. ធនាគារជាតិអាចប្រមូលព័ត៌មានយ៉ាងតិចណាស់ដូចខាងក្រោម៖
i) ឈ្មោះគេហទំព័រអ៊ិនធឺណែតរបស់អ្នកប្រើប្រាស់
ii) Internet Protocol (IP ) address របស់អ្នកប្រើប្រាស់
iii) អត្តសញ្ញាណរបស់អ្នកប្រើប្រាស់ ដូចជាឈ្មោះ ថ្ងៃខែឆ្នាំកំណើត លេខអត្តសញ្ញាណ ប័ណ្ណ និងភេទ ប្រសិនបើចាំបាច់។
iv) ព័ត៌មានទំនាក់ទំនងរបស់អ្នកប្រើប្រាស់ ដូចជាអាស័យដ្ឋានអ៊ីម៉ែល លេខទូរស័ព្ទ ឬ អាស័យដ្ឋាន ប្រសិនបើចាំបាច់ និង
v) ព័ត៌មានផ្សេងទៀត ប្រសិនបើចាំបាច់និងនៅពេលដែលត្រូវការ សម្រាប់ប្រតិបត្តិការ របស់គេហទំព័រធនាគារជាតិ។
គ. ធនាគារជាតិអាចប្រើឬមិនប្រើឃុកឃីស៍ (Cookies) (ព័ត៌មានដែលបានបញ្ជូនពីគេហទំព័រ ធនាគារជាតិទៅក្នុងកម្មវិធីស្វែងរករបស់អ្នកប្រើប្រាស់ ដើម្បីឱ្យប្រព័ន្ធនេះអាចកំណត់ អត្តសញ្ញាណរបស់អ្នកប្រើប្រាស់) ដោយផ្តល់ការជូនដំណឹងដល់ឬសុំការយល់ព្រមពី អ្នកប្រើប្រាស់តាមរយៈគេហទំព័រធនាគារជាតិ។
៤. ការប្រើប្រាស់ព័ត៌មាន
ក. ធនាគារជាតិអាចប្រើប្រាស់ព័ត៌មានដែលទទួលបានពី កថាខណ្ឌ ៣(ខ) ខាងលើ សម្រាប់៖
i) ប្រតិបត្តិការនិងការគ្រប់គ្រងគេហទំព័រធនាគារជាតិ
ii) ឆ្លើយតបនឹងសំណួររបស់អ្នកប្រើប្រាស់
iii) វិភាគឬស្វែងយល់អំពីស្ថានភាពឬព្រឹត្តិការណ៍ណាមួយ ដើម្បីសម្រួលការរៀបចំគោលនយោបាយ ឬបទបញ្ញត្តិណាមួយស្របតាមបញ្ញត្តិនៃច្បាប់
iv) ផ្ដល់ព័ត៌មានដល់បុគ្គលពាក់ព័ន្ធ ដែលធនាគារជាតិសហការជាមួយដើម្បីប្រតិបត្តិឬគ្រប់គ្រង គេហទំព័រធនាគារជាតិ។ បុគ្គលពាក់ព័ន្ធដែលទទួលបានព័ត៌មាន ត្រូវតែគោរពតាមកាតព្វកិច្ច រក្សាការសម្ងាត់ ដូចដែលបានចែងនៅក្នុងគោលការណ៍នេះ និង
v) គោលបំណងផ្សេងៗទៀត ដែលតម្រូវដោយធនាគារជាតិ។ ដើម្បីប្រើប្រាស់ព័ត៌មានសម្រាប់ គោលបំណងផ្សេងទៀត ធនាគារជាតិនឹងផ្ដល់ដំណឹងជូនឬសុំការយល់ព្រមពីអ្នកប្រើប្រាស់ ជាមុន។
ខ. ធនាគារជាតិ អាចនឹងបង្ហាញទិន្នន័យសរុបនៃចំនួនការចូលមកកាន់គេហទំព័រនិងព័ត៌មានស្ថិតិ ផ្សេងៗ។ ទន្ទឹមនេះ ធនាគារជាតិអាចនឹងបង្ហាញមតិយោបល់និងការចូលរួមផ្សេងៗរបស់អ្នក ប្រើប្រាស់។
គ. ក្រៅពីគោលបំណងដែលបានចែងក្នុង កថាខណ្ឌ ៤ ខាងលើ ធនាគារជាតិអាចបង្ហាញព័ត៌មាន នៅក្នុងគេហទំព័រធនាគារជាតិនៅពេល៖
i) ដែលមានសេចក្តីតម្រូវដោយ ច្បាប់ជាធរមាន សេចក្ដីសម្រេចរបស់តុលាការ ឬ សេចក្តីសម្រេច ណាមួយ ស្របតាមច្បាប់ និង
ii) ដែលមានសេចក្តីតម្រូវ សម្រាប់ការស៊ើបអង្កេតឬពិនិត្យ ដោយសារមានការប្រើប្រាស់ ដោយ ពុំមានការអនុញ្ញាតឬសកម្មភាពមិនស្របច្បាប់ណាមួយ។
ឃ. អ្នកប្រើប្រាស់គេហទំព័រធនាគារជាតិអាចស្នើសុំធនាគារជាតិឲ្យបង្ហាញព័ត៌មានរបស់ខ្លួននៅក្នុង គេហទំព័រធនាគារជាតិ តាមរយៈ៖
i) ដាក់សំណើសុំជាលាយលក្ខណ៍អក្សរដែលមានហត្ថលេខាបញ្ជាក់មកកាន់ធនាគារជាតិ ឬ
ii) ដាក់ពាក្យស្នើតាមអ៊ិនធឺណែត ដោយមានហត្ថលេខាអេឡិចត្រូនិកទៅកាន់គេហទំព័រ ធនាគារជាតិ ប្រសិនបើមាន។
៥. វិធានការសុវត្ថិភាព៖
ក. ធនាគារជាតិនឹងចាត់វិធានការចាំបាច់ដើម្បីទប់ស្កាត់ការបែកធ្លាយឬការបាត់បង់ព័ត៌មាន ដែលប្រមូលបានតាមរយៈគេហទំព័រធនាគារជាតិ
ខ. ធនាគារជាតិ នឹងតម្រូវឱ្យបុគ្គលពាក់ព័ន្ធចាត់វិធានការចាំបាច់ ដើម្បីសម្រេចបាននូវកាតព្វកិច្ច ដូចមានចែងក្នុង កថាខណ្ឌ ៥(ក) ខាងលើនេះ ក្នុងករណីដែលធនាគារជាតិសហការជាមួយ បុគ្គលពាក់ព័ន្ធដើម្បីធ្វើប្រតិបត្តិការគេហទំព័រធនាគារជាតិ។
៦. ការតភ្ជាប់
គេហទំព័រធនាគារជាតិអាចតភ្ជាប់ទៅកាន់គេហទំព័រផ្សេងទៀត។ យ៉ាងណាក្ដី ធនាគារជាតិមិន ទទួលខុសត្រូវចំពោះការរក្សាការសម្ងាត់របស់គេហទំព័រទាំងនោះទេ។
