សិក្ខាសាលា​ផ្សព្វផ្សាយ​អំពី​សេចក្តីថ្លែងការណ៍​រួម​ រវាង​ក្រសួង​សេដ្ឋកិច្ច​ និង​ហិរញ្ញវត្ថុ​ និង​ ធនាគារជាតិ​នៃ​កម្ពុជា​ និង​មុខងារ​ភារកិច្ច​របស់​ធនាគារជាតិ​នៃ​កម្ពុជា​ នៅ​ខេត្តកណ្តាល​
១៩ សីហា ២០១៥

នៅថ្ងៃទី១៩ ខែសីហា ឆ្នាំ២០១៥ ធនាគារជាតិនៃកម្ពុជា បានបន្តរៀបចំសិក្ខាសាលាផ្សព្វផ្សាយអំពីសេចក្តីថ្លែងការណ៍រួមរវាង ធនាគារជាតិនៃកម្ពុជានិងក្រសួងសេដ្ឋកិច្ចនិងហិរញ្ញវត្ថុ និងមុខងារ-ភារកិច្ចរបស់ធនាគារជាតិនៃកម្ពុជា នៅខេត្តកណ្តាល ក្រោមអធិបតីភាព ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា ។ សិក្ខាសាលានេះធ្វើឡើងក្នុងគោលបំណងលើកកម្ពស់ការយល់ដឹងរបស់សាធារណជនមកលើការប្រើប្រាស់សេវាហិរញ្ញវត្ថុដែលផ្តល់ដោយគ្រឹះស្ថាន ធនាគារនិងហិរញ្ញវត្ថុ, ការអភិវឌ្ឍវិស័យមីក្រូហិរញ្ញវត្ថុកម្ពុជា, អត្រាការប្រាក់, និងទស្សនវិស័យរបស់ធនាគារជាតិនៃកម្ពុជាលើការអភិវឌ្ឍវិស័យ មីក្រូហិរញ្ញវត្ថុនៅកម្ពុជា នាពេលអនាគត ។