០៧ ឧសភា ២០១៥
នាព្រឹកថ្ងៃទី៧ ខែឧសភា ឆ្នាំ២០១៥ ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានអនុញ្ញាតឱ្យលោកស្រី Sonali Jain-Chandra ប្រធានក្រុមបេសកកម្មថ្មីនៃអង្គការមូលនិធិរូបិយវត្ថុអន្តរជាតិ (IMF) សម្រាប់កម្ពុជា ចូលជួបសម្តែងការគួរសមនិងពិភាក្សាការងារ ។ ឯកឧត្តម ទេសាភិបាល បានជម្រាបជូនភ្ញៀវពីការរីកចម្រើនដ៏រឹងមាំនៃវិស័យសេដ្ឋកិច្ចនិងធនាគារនៅកម្ពុជានាពេលកន្លងមក ។ ទន្ទឹមនេះ លោកស្រី Sonali Jain-Chandra ក៏បានវាយតម្លៃខ្ពស់ចំពោះស្ថានភាពសេដ្ឋកិច្ចកម្ពុជានិងតួនាទីរបស់ប្រព័ន្ធធនាគារក្នុងការគាំទ្រកំណើនសេដ្ឋកិច្ច ហើយមានសុទិដ្ឋិនិយមចំពោះកំណើនក្នុងឆ្នាំ២០១៥ ដោយសារកម្ពុជាបានទទួលជោគជ័យក្នុងការធ្វើកំណែទម្រង់សំខាន់ៗនានា និងការបានអនុវត្តនូវគោលនយោបាយប្រកបដោយប្រសិទ្ធភាព ក្នុងបរិការណ៍នៃស្ថិរភាពនយោបាយនិងម៉ាក្រូសេដ្ឋកិច្ច ។
