០៧ សីហា ២០១៥
កាលពីថ្ងៃទី៧ ខែសីហា ឆ្នាំ២០១៥ ធនាគារជាតិនៃកម្ពុជាបានរៀបចំកិច្ចប្រជុំស្តីពី “ការធ្វើអង្កេតលើវិស័យអចលនទ្រព្យសម្រាប់តាមដាននិងវិភាគស្ថិរភាពហិរញ្ញវត្ថុនៅកម្ពុជា” ក្នុងគោលបំណងស្វែងរកកិច្ចសហការពីសមាគមវាយតម្លៃនិងភ្នាក់ងារអចលនវត្ថុកម្ពុជា និងក្រុមហ៊ុនអចលនទ្រព្យ ក្នុងការធ្វើអង្កេតលើស្ថានភាពវិស័យអចលនទ្រព្យ សម្រាប់ជាធាតុចូលក្នុងការតាមដាននិងវិភាគស្ថិរភាពហិរញ្ញវត្ថុនៅកម្ពុជា ។ សមាគមវាយតម្លៃនិងភ្នាក់ងារអចលនវត្ថុកម្ពុជា និងក្រុមហ៊ុនអចលនទ្រព្យ សរុបប្រមាណ ៥០ បានសម្តែងការគាំទ្រនិងចូលរួមដំណើរការធ្វើអង្កេតប្រចាំត្រីមាសនេះ ជូនធនាគារជាតិនៃកម្ពុជា សម្រាប់ឲ្យក្រុមការងារស្ថិរភាពហិរញ្ញវត្ថុរបស់ធនាគារជាតិនៃកម្ពុជាដែលបានបង្កើតតាំងពីឆ្នាំ២០១១ មក រៀបចំរបាយការណ៍ស្ថិរភាពហិរញ្ញវត្ថុឲ្យកាន់តែគ្រប់ជ្រុងជ្រោយ ។
