១៣ តុលា ២០១៦
នៅថ្ងៃទី១៣ ខែតុលា ឆ្នាំ២០១៦ ធនាគារជាតិនៃកម្ពុជា បានរៀបចំកិច្ចប្រជុំពិភាក្សាជាមួយតំណាងមកពីគ្រឹះស្ថានធនាគារនិងមីក្រូហិរញ្ញវត្ថុទាំងអស់ ស្តីពីការអនុវត្តប្រតិបត្តិការផ្តល់សន្ទនីយភាពដែលមានការធានា (LPCO) ក្រោមអធិបតីភាពលោកជំទាវ ជា សិរី អគ្គនាយកបច្ចេកទេសធនាគារជាតិនៃកម្ពុជា ។ គោលបំណង នៃប្រតិបត្តិការ LPCO គឺដើម្បី ៖ i/- បង្កើតឱ្យមានអត្រាប្រាក់គោល (Benchmark rate) សម្រាប់ទីផ្សារដើម្បីបម្រើដល់ការអនុវត្តគោលនយោបាយរូបិយវត្ថុ ii/- ជំរុញតម្រូវការ NCDs ដែលជាឧបករណ៍ធានាក្នុងទីផ្សារអន្តរធនាគារ iii/- ជំរុញនិងលើកកម្ពស់ការប្រើប្រាស់ប្រាក់រៀល iv/- ជួយគាំទ្រវិស័យកសិកម្ម និង v/- រួមចំណែកបន្ទាបអត្រាការប្រាក់រៀលដែលកំពុងស្ថិតនៅក្នុងកម្រិតខ្ពស់នាពេលបច្ចុប្បន្ន ។
