១២ ធ្នូ ២០១៦
កាលពីថ្ងៃទី១២ ខែធ្នូ ឆ្នាំ២០១៦ ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានដឹកនាំគណៈប្រតិភូអញ្ជើញទៅចូលរួមក្នុងកិច្ចប្រជុំទ្វេភាគីជាមួយធនាគារកណ្តាលឡាវ ។ ឯកឧត្តម Somphao Phaysith ទេសាភិបាលនៃធនាគារកណ្តាលឡាវនិងថ្នាក់ដឹកនាំបានទទួលបដិសណ្ឋារកិច្ចគណៈប្រតិភូធនាគារជាតិនៃកម្ពុជា ប្រកបដោយភាពកក់ក្តៅ ក្រោមស្មារតីមិត្តភាពភាតរៈភាព និងកិច្ចសហប្រតិបត្តិការយ៉ាងជិតស្និទ្ធ។ គណៈប្រតិភូនៃធនាគារកណ្តាលទាំងពីរបានពិភាក្សាផ្លាស់ប្តូរយោបល់ទៅលើស្ថានភាពម៉ាក្រូសេដ្ឋកិច្ច និងវិស័យធនាគារនៅឆ្នាំ២០១៦ និងទស្សនវិស័យខាងមុខ។ ជាលទ្ធផល កិច្ចប្រជុំនេះ បានរួមចំណែកពង្រឹងនិងកំណត់ទិសដៅកិច្ចសហប្រតិប ត្តិការកាន់តែល្អរវាងធនាគារកណ្តាលទាំងពីរដើម្បីបន្តផ្លាស់ប្តូរព័ត៌មាននិងបទពិសោធន៍ក្នុងការអនុវត្តការងារប្រកបដោយប្រសិទ្ធភាព សម្រាប់ជាប្រយោជន៍ដល់ធនាគារកណ្តាល និងប្រទេសទាំងពីរ ។
