០២ មិថុនា ២០១៧
នាថ្ងៃទី០២ ខែមិថុនា ឆ្នាំ២០១៧ លោកជំទាវ នាវ ច័ន្ទថាណា ទេសាភិបាលរងធនាគារជាតិនៃកម្ពុជា បានអញ្ជើញចូលរួមសិក្ខាសាលាផ្សព្វផ្សាយអំពីគោលការណ៍ការពារអតិថិជន ឆ្នាំ២០១៧ ក្រោមប្រធានបទ "ដំណើរការឆ្ពោះទៅកាន់វិញ្ញាបនបត្រគោលការណ៍ការពារអតិថិជនកំណែថ្មី ២.០" ដែលបានរៀបចំឡើង ដោយសមាគមមីក្រូហិរញ្ញវត្ថុកម្ពុជា ។ សិក្ខាសាលានេះគឺជាផ្នែកមួយនៃគោលការណ៍ Smart Campaign ក្រោមជំនួយឧបត្ថម្ភរបស់ទីភ្នាក់ងារអភិវឌ្ឍប្រទេសបារាំង ដែលបានជំរុញឲ្យគ្រឹះស្ថានមីក្រូហិរញ្ញវត្ថុអនុវត្ត តម្លាភាពពេញលេញក្នុងការកំណត់អត្រាការប្រាក់និងលក្ខខណ្ឌផលិតផលហិរញ្ញវត្ថុ ទារបំណុលប្រកបដោយ ស្តង់ដារសីលធម៌ និងផ្តល់ឲ្យអតិថិជននូវមធ្យោបាយក្នុងការតវ៉ា ។ លោកជំទាវ នាវ ច័ន្ទថាណា បានលើក ទឹកចិត្តឲ្យគ្រឹះស្ថានមីក្រូហិរញ្ញវត្ថុអនុវត្តតាមគោលការណ៍ Smart Campaign នេះបន្ថែមពីលើបទប្បញ្ញត្តិ ការពារអតិថិជនរបស់ធនាគារជាតិនៃកម្ពុជា ហើយធនាគារជាតិនៃកម្ពុជានឹងបន្តផ្សព្វផ្សាយលើកកម្ពស់ការ យល់ដឹងផ្នែកហិរញ្ញវត្ថុដើម្បីបន្ថែមប្រសិទ្ធិភាពកិច្ចការពារអតិថិជនហិរញ្ញវត្ថុនេះ ។
