២៧ កក្កដា ២០១៧
កាលពីថ្ងៃទី២៧-២៨ ខែកក្កដា ឆ្នាំ២០១៧ ធនាគារជាតិនៃកម្ពុជាបានរៀបចំបទឧទ្ទេសនាម ដល់និស្សិតថ្នាក់ប្រកាសនីយបត្រជាន់ខ្ពស់បច្ចេកទេសធនាគារឆ្នាំទី២ ជំនាន់ទី២៥ នៃមណ្ឌលសិក្សាបច្ចេកទេសធនាគារចំនួន៨៩នាក់ ដែលនឹងត្រូវបញ្ចប់ការសិក្សានាពេលខាងមុខ។ វាគ្មិនកិត្តិយសដែលបានអញ្ជើញផ្តល់បទឧទ្ទេសនាមមាន៖ លោកជំទាវ ស្រី ស៊ីយុត អគ្គពិនិត្យធនាគារជាតិនៃកម្ពុជា ផ្តល់បទឧទ្ទេសនាម ស្តីពី អភិបាលកិច្ច និងសវនកម្មផ្ទៃក្នុង លោកជំទាវ សាយ សំអាត អគ្គលេខាធិការអង្គភាពស៊ើបការណ៍ហិរញ្ញវត្ថុកម្ពុជាធនាគារជាតិនៃកម្ពុជា ផ្តល់បទឧទ្ទេសនាម ស្តីពី ក្របខ័ណ្ឌច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទាន ភេរវកម្ម និងអង្គភាពស៊ើបការណ៍ហិរញ្ញវត្ថុ និងលោក អ៊ូ ចាន់តារា អគ្គលេខាធិការធនាគារជាតិនៃកម្ពុជា ផ្តល់បទឧទ្ទេសនាម ស្តីពី គណនេយ្យ ធនាគារកណ្តាល និងគោលនយោបាយ។
