០២ តុលា ២០១៧
កាលពីថ្ងៃទី២ ខែតុលា ឆ្នាំ២០១៧ ធនាគារជាតិនៃកម្ពុជា បានរៀបចំកិច្ចប្រជុំស្តីពី “តួនាទីនិងគោលនយោបាយរបស់ធនាគារជាតិនៃកម្ពុជា” ក្រោមអធិបតីភាពលោកជំទាវ នាវ ច័ន្ទថាណា តំណាងដ៏ខ្ពង់ខ្ពស់របស់ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា ដែលប្រព្រឹត្តទៅនៅសណ្ឋាគារ ឡឺរ៉ូយ៉ាល់ ។ កិច្ចប្រជុំនេះមានគោលបំណង ដើម្បីបង្កើតជាវេទិកាពិភាក្សារវាង តំណាងគ្រឹះស្ថានធនាគារនិងហិរញ្ញវត្ថុ ក្រេឌីតប្យ៊ូរ៉ូ អាជីវករប្តូរប្រាក់ និងថ្នាក់ដឹកនាំធនាគារជាតិនៃកម្ពុជា ទៅលើវឌ្ឍនភាពថ្មីៗ និងគោលនយោបាយដែលធនាគារជាតិនៃកម្ពុជាបាននិងកំពុងអនុវត្តព្រមទាំងកាតព្វកិច្ចនិងការរួមចំណែករបស់គ្រឹះស្ថានធនាគារនិងហិរញ្ញវត្ថុក្នុងដំណើរការអភិវឌ្ឍវិស័យធនាគារកម្ពុជា ឱ្យប្រព្រឹត្តទៅប្រកបដោយប្រសិទ្ធភាពនិងស័ក្ដិសិទ្ធិភាព ស្របតាមគោលនយោបាយអភិវឌ្ឍន៍វិស័យហិរញ្ញវត្ថុឆ្នាំ២០១៦-២០២៥ និងគោលនយោបាយអភិវឌ្ឍវិស័យនានារបស់រាជរដ្ឋាភិបាល។
