១០ កក្កដា ២០១៨
នៅថ្ងៃអង្គារ ១៣រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែកក្កដា ឆ្នាំ២០១៨ លោកជំទាវ ជា សិរី ឧបការីទេសាភិបាល និងជាអគ្គនាយកបច្ចេកទេសនៃធនាគារជាតិនៃកម្ពុជា បានអញ្ជើញចូលរួមជាវាគ្មិន ក្រោមប្រធានបទស្ដីពី “គំនិតច្នៃប្រឌិតថ្មី និងសហគ្រិនសង្គមនៅអាស៊ី ” នៅក្នុង “កម្មវិធីរដូវក្ដៅសកលប្រចាំឆ្នាំ២០១៨” ដែលប្រព្រឹត្តទៅចាប់ពីថ្ងៃទី២-២៧ ខែកក្កដា ឆ្នាំ២០១៨ នៅមជ្ឈមណ្ឌលសម្រាប់ការច្នៃប្រឌិតដើម្បីសង្គមនៃសាកលវិទ្យាល័យគ្រប់គ្រងសិង្ហបុរី (SMU)។ នាឱកាសនោះ លោកជំទាវ ជា សិរី បានចែករំលែកចំណេះដឹងអំពី i/-បច្ចេកវិទ្យាក្នុងវិស័យហិរញ្ញវត្ថុ ii/-បរិយាប័ន្នហិរញ្ញវត្ថុ និង iii/-ការកាត់បន្ថយភាពក្រីក្រ ជូនដល់សិស្សមកពីបណ្ដាប្រទេសនានា ដែលចូលរួមកម្មវិធីផ្លាស់ប្ដូរបទពិសោធន៍ការសិក្សា (exchange students) ជាមួយ SMU។
