ព័ត៌មាន
កម្មវិធីប្រកាសផ្លូវការ គោលការណ៍ហិរញ្ញវត្ថុប្រកបដោយចីរភាពកម្ពុជា
២៩ មីនា ២០១៩
២៩ មីនា ២០១៩
នៅថ្ងៃសុក្រ ៩រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែមីនា ឆ្នាំ២០១៩ លោកជំទាវ ជា សិរី អគ្គនាយកបច្ចេកទេស ធនាគារជាតិនៃកម្ពុជា បានអញ្ជើញចូលរួមកម្មវិធីប្រកាសផ្លូវការ គោលការណ៍ហិរញ្ញវត្ថុប្រកបដោយចីរភាពកម្ពុជា នៅសណ្ឋាគារសូហ្វីតែលភ្នំពេញភូគីត្រា។ គោលការណ៍ហិរញ្ញវត្ថុប្រកបដោយចីរភាពកម្ពុជា ត្រូវបានបង្កើតក្នុងគោលបំណងជំរុញការចូលរួមគាំទ្រពីសំណាក់បណ្ដាធនាគារ និងគ្រឹះស្ថានហិរញ្ញវត្ថុក្នុងការបង្កើតគោលនយោបាយផ្ដល់ហិរញ្ញប្បទានដែលលើកកម្ពស់ការថែរក្សាបរិស្ថាន វប្បធម៍ និងបរិយាប័ន្នហិរញ្ញវត្ថុ ដែលជាកត្តាចម្បងក្នុងការសម្រេចបាននូវកំណើនសេដ្ឋកិច្ចប្រកបដោយចីរភាព។
