០១ កក្កដា ២០១៩
កាលពីថ្ងៃចន្ទ ១៤ រោច ខែជេស្ឋ ដល់ថ្ងៃពុធ ២កើត ខែអាសាឍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១-៣ ខែកក្កដា ឆ្នាំ២០១៩ លោកជំទាវ ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា បានអញ្ជើញចូលរួមកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោក (World Economic Forum) សម្រាប់ថ្នាក់ដឹកនាំវ័យក្មេងដែលត្រូវជ្រើសតាំង នៅទីក្រុង Dalian សាធារណរដ្ឋប្រជាមានិតចិន។ វេទិកានេះជាវេទិកាប្រមូលផ្ដុំដោយអ្នកជំនាញជាន់ខ្ពស់នៅគ្រប់វិស័យ តាមរយៈការពិភាក្សាផ្លាស់ប្ដូរទស្សនៈវិស័យ ពាក់ព័ន្ធនឹង ១)ភាពជាអ្នកដឹកនាំសម្រាប់សកលភាវូបនីយកម្ម៤.០, ២)បដិវត្តន៍ឧស្សាហកម្មទី៤, និង ៣)បច្ចុប្បន្នភាពសេដ្ឋកិច្ចពិភពលោកនិងបញ្ហាប្រឈមនានា។ ទន្ទឹមនេះ លោកជំទាវ ជា សិរី ត្រូវបានវេទិកាសេដ្ឋកិច្ចពិភពលោកអញ្ជើញចូលរួមជាវាគ្មិនក្រោមប្រធានបទចំនួន ៣ ៖ ១) ការតភ្ជាប់ជាមួយនឹងអាស៊ានតាមប្រព័ន្ធឌីជីថល, ២) In Crypto We Trust? និង ៣) ការផ្ដល់ការគាំទ្រសង្គមដែលគ្មានការប្រើប្រាស់ក្រដាសប្រាក់ ។
