២៤ កក្កដា ២០១៩
កាលពីថ្ងៃចន្ទ ៧រោច ដល់ថ្ងៃព្រហស្បតិ៏ ១០រោច ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៤ ដល់ ២៧ ខែមិថុនា ឆ្នាំ២០១៩ នៅទីក្រុងបែរឡាំង ប្រទេសអាល្លឺម៉ង់ លោកជំទាវទេសាភិបាលរង នាវ ច័ន្ទថាណា បានអញ្ជើញចូលរួមសន្និសីទស្តីពី “ប្រព័ន្ធទូទាត់របស់ធនាគារកណ្តាល លើកទី៣”។ សន្និសីទនេះ ត្រូវបានរៀបចំឡើងដោយមានការចូលរួមធ្វើបទបង្ហាញពីវាគ្មិនល្បីៗមកពីធនាគារកណ្តាល ដោយចែករំលែកចំណេះដឹងនិងបទពិសោធន៍លើប្រព័ន្ធទូទាត់របស់ធនាគារកណ្តាល និងហេដ្ឋារចនាសម្ព័ន្ធហិរញ្ញវត្ថុពាក់ព័ន្ធនឹង ១/. ទំនើបកម្មនិងគោលនយោបាយប្រព័ន្ធទូទាត់របស់ធនាគារកណ្តាល ២/. សារៈសំខាន់របស់ស្តង់ដា រួមមាន ស្តង់ដា ISO ២០០២២ និងស្តង់ដា Legal Entity Identifier (LEI) ក្នុងប្រតិបត្តិការហិរញ្ញវត្ថុ ៣/. យុទ្ធសាស្ត្រភាពធន់នឹងសុវត្ថិភាពប្រព័ន្ធព័ត៌មានវិទ្យា និង ៤/.ការប្រើប្រាស់បច្ចេកវិទ្យា Distributed Ledger Technology (DLT) ក្នុងប្រតិបត្តិការទូទាត់អន្តរធនាគារ។
