១៣ ធ្នូ ២០១៩
នារសៀលថ្ងៃសុក្រ ២រោច ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៣ ខែធ្នូ ឆ្នាំ២០១៩ ឯកឧត្ដម ជា ចាន់តូ អគ្គទេសាភិបាល ធនាគារជាតិនៃកម្ពុជា បានអញ្ជើញជាគណៈអធិបតីក្នុងពិធីសម្ពោធអគារបណ្ណាល័យចំនួន៤ខ្នង នៅ វិទ្យាល័យ កំពង់ថ្ម , វិទ្យាល័យ ហ៊ុន សែន រុងរឿង , វិទ្យាល័យ ជា ស៊ីម ប្រឡាយ និងវិទ្យាល័យ ហ៊ុន សែន សណ្តាន់ ដែលស្ថិតនៅក្នុងខេត្តកំពង់ធំ ក្រោមការឧបត្ថម្ភថវិកា គ្រឹះស្ថានមីក្រូហិរញ្ញវត្ថុ ប្រាសាក់។ ពិធីសម្ពោធអគារបណ្ណាល័យនេះ មានការចូលរួមពីឯកឧត្តម ព្រឹម រដ្ឋា អភិបាលរង នៃគណ:អភិបាលខេត្តកំពង់ធំ លោក ស៊ីម សេនាជាតិ ប្រធាននាយកប្រតិបត្តិ នៃគ្រឹះស្ថានមីក្រូហិរញ្ញវត្ថុប្រាសាក់ លោក ឃឹម សារិន អនុប្រធាននាយកដ្ឋានអភិវឌ្ឍកម្មវិធីសិក្សា នៃក្រសួងអប់រំយុវជន និងកីឡា លោកគ្រូ-អ្នកគ្រូ សិស្សានុសិស្ស យាយជី-តាជី និងប្រជាពលរដ្ឋ សរុបចំនួន ១,៤០០នាក់។
