២២ មករា ២០២០
នារសៀលថ្ងៃពុធ ១៤រោច ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២២ ខែមករា ឆ្នាំ២០២០ នៅធនាគារជាតិនៃកម្ពុជា លោកជំទាវ នាវច័ន្ទថាណា ទេសាភិបាលរង ធនាគារជាតិនៃកម្ពុជា បានអនុញ្ញាតឱ្យ លោក Jun Iwasaki ទីប្រឹក្សាផ្នែកប្រតិបត្តិការគោលនយោបាយរូបិយវត្ថុនិងប្ដូរប្រាក់នៃការិយាល័យ CDOT និង លោកស្រី Vilada Meeyam ទីប្រឹក្សាផ្នែកប្រតិបត្តិការរូបិយវត្ថុប្រចាំនៅធនាគារជាតិនៃកម្ពុជា រួមនឹងមន្ត្រីពាក់ព័ន្ធ ចូលធ្វើជំនួបពិភាក្សាការងារអំពី ជំហរនិងយន្តការរបស់ធនាគារជាតិនៃកម្ពុជា ក្នុងការបន្តលើកកម្ពស់ការប្រើប្រាស់ប្រាក់រៀលដូចជាតាមរយៈការបន្តជំរុញបង្កើនសំពៀតឥណទានជារៀល របស់គ្រឹះស្ថានធនាគារនិងហិរញ្ញវត្ថុ និង ការអភិវឌ្ឍឧបករណ៍និងក្របខណ្ឌប្រតិបត្តិការរូបិយវត្ថុ។
