៣០ កញ្ញា ២០២០
នៅថ្ងៃពុធ ១៣កើត ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣០ ខែកញ្ញា ឆ្នាំ២០២០ នៅធនាគារជាតិនៃកម្ពុជា ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា បានអញ្ជើញចូលរួមកិច្ចប្រជុំតាមរយៈ Videoconference ជាមួយអង្គការ UNCDF និងអង្គការ FinMark Trust លើគម្រោងការធ្វើអង្កេតចល័តអំពី កម្រិតបរិយាបន្ន ហិរញ្ញវត្ថុនៅកម្ពុជា។ គម្រោងអង្កេតចល័តនេះគឺជាការអង្កេតខ្នាតតូចដើម្បីវាស់វែពីកម្រិតបរិយាបន្នហិរញ្ញវត្ថុនៅកម្ពុជាតាមរយៈការប្រើប្រាស់សូចនាករ សំខាន់ៗ។ ការអង្កេតនេះនឹងត្រូវធ្វើឡើងលើសំណាកគំរូក្នុងរង្វង់ពីចំនួន ១.៥០០ ទៅ ២.០០០ នាក់ ដែលជាប្រជាជនពេញវ័យចាប់ពីអាយុ ១៨ឆ្នាំឡើងទៅហើយលទ្ធផលនៃការអង្កេតចល័តនេះនឹងបង្ហាញពីបម្រែបម្រួលសូចនាករបរិយាបន្នហិរញ្ញវត្ថុសំខាន់ៗ ដោយធៀបនឹងការអង្កេត FinScope ឆ្នាំ២០១៥។
